Վիետնամ

Պահանջներ

Վիզան պարտադիր է (տրամադրվում է առցանց՝ էլեկտրոնային վիզա / e-Visa)։ Պահանջներ. ՀՀ քաղաքացիները զբոսաշրջային նպատակով Վիետնամ մեկնելու համար կարող են նախապես ստանալ էլեկտրոնային վիզա (e-Visa)՝ դիմելով Վիետնամի միգրացիոն դեպարտամենտի պաշտոնական առցանց հարթակում: Դիմելու համար պահանջվում է տրամադրել. Վավեր անձնագիր (երկիր մուտք գործելու պահից առնվազն 6 ամիս վավերականությամբ և առնվազն 2 ազատ էջով), Անձնագրի տվյալների գլխավոր էջի հստակ լուսապատճենը (սկան), 1 գունավոր թվային լուսանկար (առանց ակնոցի, սպիտակ ֆոնի վրա), Լրացված էլեկտրոնային հարցաթերթիկ (ներառյալ նախատեսվող կեցության վայրի հասցեն և ժամանման/մեկնման օդանավակայանները), Վճարային քարտ՝ վիզայի արժեքն առցանց վճարելու համար: Նշում. Էլեկտրոնային վիզան այժմ տրամադրվում է մինչև 90 օր վավերականությամբ (կարող եք ընտրել մեկանգամյա կամ բազմակի մուտքի տարբերակը): Սահմանային անցակետում Ձեզանից կարող են պահանջել նաև ցույց տալ տպված e-Visa-ի պատճենը, հետադարձի ավիատոմսը և հյուրանոցի ամրագրումը: